բաց նամակ

Հարգելի ........................................

«ՄաՄաՍյու» բարեգործական հիմնադրամը համախոհ և աջակից կազմակերպություններ ու անհատներ է փնտրում, ովքեր պատրաստ են օգնության ձեռք մեկնել և համամասնակից լինել մեր գործին: Հիմնադրամի նպատակն է օգնել կանանց` պայքարելու կանացի վերարտադրողական ֆունկցիայի օրգանների քաղցքեղի դեմ:

Ես կին եմ և ուզում եմ իմ երկրում, իմ ընտանիքում առողջ կյանքով ապրել … Հանդիպելով այս խնդրին`ես հասկացա, որ մենակ չեմ, և այսօր իմ կողքին են ոչ միայն ընկերներս, այլև նախկինում ինձ անծանոթ մարդիկ, համախոհներ, սրտացավ ու հաստատկամ համաքաղաքացիներ:
Համախմբվելով` մենք փորձում ենք լուծում գտնել մի հարցի, որը, ցավոք, մեր ուժերից վեր է… Այնուամենայնիվ, մենք չենք հուսահատվում և չենք հանձնվում` հավատալով, որ մեզնից յուրաքանչյուրը կարող է և պետք է իր ներդրումն ունենալ այս գործում: Եվ ահա մենք դիմում ենք ձեզ` աջակցություն հայցելով մեր նախաձեռնությանը:

Ամեն ինչ սկսվեց մասնավոր դեպքից, սակայն մարդուն կարեկցելու պահանջն ու սրտացավորեն օգնելու մղումն այնքան մեծ էր, որ մեկ մարդու կյանք փրկելու համար ստեղծված այս նախաձեռնությունը վերածվեց համամարդկային մարդասիրական շարժման:

Այսօր մեր գլխավոր նպատակը մեզանից մեկի համար գումար հավաքել է: Դա խթան կլինի մեր շարժան համար, եւ դրանով իսկ մեր հաջողության գրավականը կդառնա: Մեր հաջողությունը մեզանից մեկին օգնելն ու նրա կյանքը փրկելն է, մի կնոջ կյանք, ով այսօր էլ չի դադարում ակտիվ և իր հասարակության համար պիտանի անհատ լինել, հաջողություններ ունենալ աշխատանքում, հասցրել է բազմաթիվ բարեգործություներ անել և այսօր էլ անում է ու դեռ կանի, եթե մենք մեր միասնությամբ ու մարդասիրությամբ օգնենք նրան… շարունակել ապրել:

ԱՌՈՂՋ ԿԻՆՆ - ԱԶԳԻ ԱՌՈՂՋ ԳԵՆՈՖՈՆԴԻ ԳՐԱՎԱԿԱՆՆ Է

ՀԱՄԱՌՈՏ ՆԿԱՐԱԳԻՐԸ
“ՄաՄաՍյու” բարեգործական հիմնադրամը հիմնադրվել է 2011թ-ի սկզբին: Հիմնադրամի նպատակն է օգնել կանանց` պայքարելու կանացի վերարդարողական ֆունկցիայի օրգանների քաղցքեղի դեմ:


ՆՊԱՏԱԿՆԵՐԸ
- Կանանց և աղջիկների շրջանում սեռական և վերարտադրողական բնագավառում իրազեկում:
- Պետական համակարգի մեջ բարեփոխումներ
- Թանկարժեք դեղամիջոցները դարձնել ավելի հասանելի
- Ստեղծել համապատասխան բարեգործական ցանց
- Համագործակցել համաշխարհային կազմակերպությունների հետ


ԽՆԴԻՐՆԵՐԸ
- Հայ և օտարերկրյա բժիշկների մասնակցությամբ մասսայական լեկցիաների և սեմինարների կազմակերպում
- Շրջիկ լեկցիաների և սեմինարների կազմակերպում տարբեր հաստատություններում
- Շրջիկ ավտոբուսներ` զինված համապատասխան սարքավորումներով, որոնք կշրջեն թաղամասերով և մարզերով և կանցկացնեն անվճար բժշկական քննություն և ախտորոշում:
- Բաց դռների օր բարձր որակավորում ունեցող մասնագետների կողմից /որոնց հետ արդեն ունենք պայմանավորվածություն/:
-Պարբերաբար կազմակերպել բարեգործական ուղղվածությամբ ցուցահանդես-վաճառքներ, համերգներ, ներկայացումներ, տեղեկատվական երթեր, ինֆորմացիայի տարածում և այլն:
- Բարեգործական ցանցն ապահովել համապատասխան մասնագետներով, ովքեր կտրամադրեն շահառուներին հոգաբանական, իրավաբանական, բժշկական, տեղեկատվական և այլ ծառայություններ:


ԸՆԴՀՆԱՈՒՐ ՆԿԱՐԱԳԻՐԸ
“ՄաՄաՍյու” բարեգործական հիմնադրամը ստեղծվել է 2011թ-ի սկզբին, Սուսաննա Սեպետչյանի նախաձեռնությամբ, ում մայրիկին տրված ախտորոշումից հետո պարզվեց, որ նա ունի կրծքագեղձի քաղցքեղ և շտապ վիրահատությունից հետո բուժում նշանակվեց “Հերցեպտին” թանկարժեք դեղորայք /մեկ սրվակի արժեքը 3000 ԱՄՆ դոլլար, ընդհանուր բուժման կուրսը 18 սրվակ, ինչը կազմում է 54.000 ԱՄՆ դոլլար/: Հերցեպտինը չի մտնում պետ պատվերի դեղորայքի ցանկի մեջ:
Դիմելով բազմաթիվ կազմակերպությունների Եվրոպայում, Հայաստանում և ԱՄՆ-ում /այդ թվում Կարմիր Խաչին Գերմանիայում, Բժիշկներ Առանց Սահմանների Շվեյցարիայում և այլ խոշոր կազմակերպությունների/, Սուսաննան ամեն տեղ ստանում է մերժում: Նա հուսահատված դիմում է սոցիալական ՖեյսԲուք ցանցին, որտեղ նրա շուրջ հավաքվում են սրտացավ ակտիվ քաղաքացիներ, որոնց թվում ինչպես Սուսաննայի ընկերներն էին, այնպես էլ անծանոթ մարդիկ:
Արդյունքում առաջանում է հիմնադրամի ստեղծման գաղափարը, ինչում իր աջակցությունն է ունենում “Կանանց Ռեսուրսային Կենտրոնը”, որն իր կազմակերպությանը կից բացում է հաշվեհամար:
Նախաձեռնող խումբը կազմակերպում է մի շարք ակցիաներ, այդ թվում փողոցային դրամահավաք, ստորագրահավաք, դասական և ռոք համերգներ, ներկայացումներ, ցուցահանդեսներ, բարեգործական ընթրիք Փարիզում և ԱՄՆում: Ակցիաները լուսաբանվել են ԶԼՄներով և սոցիալական կայքերով: Այդ բոլոր ակցիաների արդյունքում հավաքվել է 3000 ԱՄՆ Դոլլար /Ապրիլի 14-ի տվյալներով/:
Այդ ամենի կազմակերպման ժամանակ խումբը բաժանվել է 4 ենթախմբերի, որոնցից յուրաքանչյուրը ուներ իր պարտականությունները:
Այս ամենի արդյունքում տեսանելի դարձավ այն փաստը, որ տվյալ պրոբլեմը եզակի չէ, այլ համընդհանուր բնույթ է կրում: Մեզ սկսեցին զանգահարել ինչպես բուժ և սոց աշխատողներ, այնպես էլ նմանատիպ խնդիր ունեցող բազմաթիվ կանայք:

Բժշկությունն ապացուցում է, որ կնոջ համար ամենախոցելի օրգանը կուրծքն է, և համաշխարահային վիճակագրության մեջ մահացության ամենաշատ դեպքերը գրանցվում է կրծքագեղձի քաղցկեղի պատճառով: Հայաստանի վիճակագրական տվյալները ցույց են տալիս, որ յուրաքանչյուր 13-րդը մեզնից բախվում է այդ խնդրի հետ, ընդ որում նրանցից 30 տոկոսը “Հերցեպտին” դեղամիջոցի կարիքն ունի:
Այդ իսկ պատճառով որշում է կայացվում ընդլայնել ֆոնդի նպատակները` Հայաստանում “Առողջ Կին” գաղափարը զարգացնելու համար, քանի որ առողջ կինը` ազգի առողջ գենոֆոնդի գրավականն է:

Հայաստանի Հանրապետությունում բավականին լուրջ խնդիր է տգիտությունն ու անտարբերությունը սեփական առողջության նկատմամբ, ինչի արդյունքում բոլոր այն հիվանդությունները, որոնք հնարավոր և կարելի է կանխել կամ բուժել հիվանդության նախնական փուլերում, դառնում են հսկայական միջոցներ պահանջող և դժվար բուժելի, հաճախ նաև անբուժելի հիվանդություններ: Հայաստանում բացակայում է սեփական առողջությանը հետևելու կուլտուրան. կանանց մեծամասնությունը դիմում է բժշկի միայն այն ժամանակ, երբ դանակը արդեն հասնում է ոսկորին: “Առողջ կինը պարտավոր է գնալ հետազոտման` չունենալով ոչ մի ախտանիշ, դրանով իսկ օգնելով բժշկին հայտնաբերելու հիվանդությունը և մանավանդ քաղցկեղը զարգացման վաղ փուլում և կանխարգելել այն:
Լավագույն բուժումը կանխարգելումն է...” /ցիտում Խաչանուշ Հակոբյանի հոդվածից/:

“ՄաՄաՍյու” բարեգործական հիմնադրամը բաղկացած է միմիայն կամավոր հիմունքներով աշխատող, շահույթ չհետապնդող անձնակազմից, ում համար յուրաքանչյուր կնոջ պատմությունը դիտարկվում է իբրև սեփական: Նախաձեռնությանը միացել են ոչ միայն անհատներ, արվեսագետներ, լրագրողներ, այլ նաև մի շարք կազմակերպություններ և պետական հաստատոթյուններ, որոնց թվում Կանանց Ռեսուրսային Կենտրոնը, Գեղագիտության ազգային կենտրոնի կերպարվեստի և դեկորատիվ կիրառական արվեստի ստուդիա-քոլեջը, ԴավՕս ֆիլմ ստուդիան, UMAF Հայ Բժիշկների ասոցիացիան Ֆրանսիայում և այլն:

հարցազրույց

- Սյու, ինչպե՞ս քեզ մոտ միտք ծագեց դիմել ընկերներիդ օգնությանը, դու հավակնո՞ւմ էիր, որ հիմնադրամը կսետղծվի, որ այսպիսի հնչեղություն կստանա մի կնոջ փրկության կոչը:

- Հիմնադրամը ստեղծվեց այն ժամանակ, երբ ես ֆրասիայում էի և շատ տեղեր դիմելուց ու ոչ մի օգնություն չստանալուց հետո որոշեցի ուղղակի ընկերներիս մի նամակ ուղարկել, թե ով ինչ միտք ունի խնդրի լուծման համար: Այդպես նամակը տարածվեց ու ստեղծվեց 800 հոգանոց խումբ: Խումբը որոշեց սկսեցել համերգներ, ցուցահանդեսներ կազմակերպել ու մարդիկ համաձայնվեցին մեզ օգնել: Հիմնադրամը ստեղքվել է 2 ամիս առաջ, առ այսօր հավաքվել է մոտ երեք հազար դոլլար, հավաքված գումարը փոխանցվել է հիմնադրամի հաշվեհամարին, որը մեզ տրամադրեց Կանանց Ռեսուրսային Կենտրոնը ում նախաձեռնությամբ էլ ստեղծվեց հիմնադրամը: Կենտրոնն իր կապերի միջոցով կամավորների օգնությամբ հավաքեց անհատների ու մի խումբ սփյուռքահայերի կողմից նվիրաբերած մի գումար:

Ես հույս ունեմ, որ մարդիկ ինձ ձեռք կմեկնեն: Ֆրանսիայում ինձ աջակցեց Կանանց Կենտրոնը, որը տրամադրեց տարածք ու կազմակերպեց ճաշկերույթ: Ճաշկերույթի ժամանակ հավաքվեց 900 եվրո: Հայկական խանութներին դիմեցի, իրենք մեզ անվճար սնունդ տրամադրեցին, իմ ընկերներն էլ նկարներ ուղարկեցին, որոնք վաճառվեցին:

- Որեւէ մեծահարուստների, պաշտոնավոր ու կարող մարդկանց դիմե՞լ ես, ո՞ւմ հետ ես հույսեր կապում, ումի՞ց ես ամենից շատ արձագանք ակնկալում: Ինչո՞ւ ես ուսումդ թողել կիաստ ու եկել Երեւան, ընկերներդ չե՞ն կարող անել էն, ինչ դու ես եկել անելու:

- Ես որպես սպորտսմեն մեծ հույսեր ունեմ Պարոն Ծառուկյանի հետ կապված, քանի որ նա սպորտի ջատագովն է: Միգուցե մեզ օգնի:
Ռեալ օգնություն ակնկալում եմ դրսից, ֆինանսապես ապահովված մարդկանցից, սրտացավ մարդկանցից, մի խոսքով բոլորից, ով պատրաստ է ինչ-որ չափով օգնել… նույնիսկ չնչին օգնությունն էլ կարեւոր է, այն ինչ անում են ինձ համար այսօր, անում են «սովորական» մարդիկ…
Գալուս բուն պատճառն էլ հիմնադրամը զարգացնելն է: Ի սկզբանե հիմնադրամի ստեղծման միտքը ծագեց մայրիկիս օգնելու համար, բայց ուսումնասիրելով, հետազոտելով, խորանալով մեր առջեւ դրված թեմայի, պրոբլեմի մեջ, հասկացանք որ Հայաստանում կանանց առողջությունը լավ վիճակում չէ. ամեն 12-րդ կինը կրծքագեղձի քաղցկեղ ունի: Մենք համաշխարհային վիճակագրությամբ հնգյակի մեջ ենք մտնում, ավելին` առաջատարն ենք ամբողջ աշխարհում կրծքագեղձի քաղցկեղով հիվանդ կանանց թվով: Հիմնադրամի նպատակը հայ կանանց օգնելն է: Միայն մեկ կնոջ կյանքի մասին չէ գնում խոսքը… Քանի որ Հայաստանում գործում է ՝ փող ունես ապրում ես, փող չունես՝ մեռի սկզբունքը:

Հիմնադրամն ընդլայնվում է` սոցիալական ապահովության սիստեմում այսօր առկա գլոբալ հարցեր շոշափելով: Կա անվճար տրամադրվող դեղերի, դեղորայքի ցուցակ, բայց կոնկրետ «Հերցեպտին» դեղը, որն 98 % ապաքինում է խոստանում մեզ մոտ վճարովի է ու շատ թանկ է: Այսօր մեր խումբը հավաքում է ստորագրություններ` անվճար դեղորայքի ու բուժծառայությունների ցուցակի վերանայման համար խորհրդարան դիմելու նպատակով: Արդեն հավաքել ենք 3000 ստորագրություն ու դեռ ավելի շատ կլինեն: Այս քանակը բավարար է երևի, որ խորհրդարանում վերանայվի այդ ցուցակը: Չնայած վիճակագրությունն արդեն իսկ խոսում է իր մասին:

-Իսկ ինչո՞ւ է այդ դեղն այդքան թանկ մեզ մոտ, այլ երկրներում ինչպե՞ս է:

- Ֆրանսիայում այդ դեղը նույն գինն ունի ինչ որ այստեղ, դա պայմանավորված է նրանով, որ Ֆրանսիայում պետությունն է գնում այդ դեղը բնակիչների համար, իսկ մարդիկ գումար չեն ծախսում, անվճար է: Պետությունը նույնիսկ հոգում է տաքսու փողը, որպեսզի հիվանդը գա հիվանդանոց քիմիա ստանալու: Այդ պատճառով դեղ արտադրող կազմակերպությունն ինչ որ թիվ է սահմանում, բայց արդյունքում տուժում են սովորական մարդիկ մեզ նման երրորդ աշխարհի պետություններում, ում հասանելի չի այդ դեղորայքը: Դեղը արտադրում է Լա Ռոշ դեղագործական ընկերությունը: Մեզ մոտ այդ պետությունը միգուցե չունի հնարավորությունը, քանի որ ստացվում է, որ ամեն 12-րդ կնոջ համար ահռելի գումար է պահանջվում: Փաստորեն պետությունը չի հոգում քաղաքացիների մասին ու նրանք մնում են միմյանց հույսի, իրար օգնելով բուժվում են: Բայց այդպես չի կարելի:
Հույս ունեմ, որ պետական մարմինների կողմից համապատասխան միջոցներ կձեռնարկվեն այս խնդիրը լուծելու համար: Ես հավատում եմ իմ ժողովրդի սոլիդարությանը, ուզում եմ, որ այս հարցը բարձրացվի ու լուսաբանվի: Մենք ուզում ենք` մարդիկ իմանան, որ իրենք մենակ չեն:

Ինձ զանգահարեցին ինչ-որ մարդիկ, ովքեր ուզում էին նվիրատվություն անել ու հարցրեցին, թե՝ մայրս օրհասական վիճակո՞ւմ է, թե՞ ոչ, եթե ոչ՝ ուրեմն չենք օգնի: Ես ասացի դա բժշկին… բժիշկն ասաց, որ մահամերձ, օրհասական վիճակում գտնվող մարդուն բարերար չէ պետք, այլ` հոգևորական: Մայրս մահամերձ չէ, ավելին` նա ակտիվ է, գնում է աշխատանքի: Մայրս կոսմետոլոգ ֆիտոթերապեւտ է, բժիշկ է, նույնիսկ հետագայում կարող է զբաղվել մեր հիմնադրամով: Չնայած հիմա առաջնայինը դեղը ձեռք բերելու հարցն է:

- Ո՞նց եք պատկերացնում հիմնադրամի ապագան, ի՞նչ նպատակ ունի հիմնադրամն առաջին հերթին:

- Ինչպես ենք մենք պատկերացնում հիմնադրամի ապագան և որն է առաջնային նպատակը… Պետական համակարգի մեջ բարեփոխումներ մտցնելը չէ միայն, այլ նաև հայերի մոտ իրենց իսկ սեփական մարմնի, առողջության նկատմամբ կուլտուրա ձրավորվի: Մարդը չպետք է մահամերձ ընկնի անկողին, ինչից հետո միայն դիմի բժշկին, կամ բարերարին, կամ պետությանը, մի խոսքով օգնության դիմի: Պետք է շուտ նկատել հիվանդությունը, այդ դեպքում բժիշկների համար ավելի հեշտ կլինի հայտնաբերել քաղցկեղը վաղ շրջանում: Վաղ շրջանում հայտնաբերելն ու բուժումը սկսելը, դա չնչին գումար է, որովհետև կրծքի քաղցկեղն ամենահեշտ բուժվողներից է քաղցկեղների մեջ, իսկ երբ որ արդեն հարցը հասնում է օրհասական պահին, անիմաստ է բուժել կամ փորձել դեմն առնել:
Կուզենայի, որ համապատասխան դասընթացներ ունենայինք: Ես կփորձեմ ինչ որ կապեր գտնել միջազգային կազմակերպությունների հետ, հրավիրեմ իրենց Հայաստան դասընթացեր անցկացնելու նպատակով, որ մարդիկ հասկանան, թե որքան կարևոր է իրենց հետևելն ու պարբերաբար բժշկի գնալը: Իրազեկ լինելը ձեռբազատում է մարդկան բժիշկի մոտ գնալու վախից, իսկ ժամանակին կատարած այցը` հիվանդության բարդացումից, ու այն վաղից, որ հետո մեծ պատմություն կդառնա հանկարծ, մեծ գումարների ամենը վեր կածվի: Եթե ինչ-որ անվճար, կամ դրամական մինիմալ ծախսեր պահանջող մամոգրաֆիա, սոնոգրաֆիա լինի, դա էլ կնպաստի նրան, որ կարողանան կանխարգելել հիվանդությունն իր նախնական փուլում:
Հիմնադրամի նպատակն է գտնել պետական կամ մասնավոր ստաբիլ ֆինանսավորում, որը թույլ կտա իրականացնել մեր ծրագրերը: Պետք է սկսել ինֆորմացիայից տարածումից, որ մարդիկ տեղյակ լինեն կանխարգելման անհրաժեշտության մասին, որ գրագետ լինեն ու մտածեն իրենց առողջության մասին: Ես հույս ունեմ և այսօր արդեն ավելի քան վստահ եմ, որ մենք կհամագործակցենք հայ բժիշկների հետ, որոնք առաջադեմ, փայլուն մասնագետներ են: Ոմանք արդեն առաջարկել են հիմնադրանին իրենց աջակցությունը, բաց դռների օրեր հայտարարել…
Կարելի է բժշկական շրջիկ ավտոբուսների համակարգ ստեղծել, եթե միջոցներ գտնենք իհարկե, մամոգրաֆիկ ու սոնգրաֆիկ ապարատներով, զինված ախտորոշման համար անհրաժեշտ համապատասխան սարքավորումներով, որոնք կշրջեն թաղամասերով և մարզերով և կանցկացնեն անվճար բժշկական քննություն և ախտորոշում, առանց ավելորդ բարդությունների ու անվճար: Գրեթե բոլոր երկրներում, նույնիսկ ստիպողաբար, կանանց ուղարկել են բժշկական զննումների, մինչև մարդկանց մոտ դա չի դարձել սովորություն: Պարզ, հասարակ բան է, որ մարդիկ չվախենան գնալ բժշկի: Պապիլոմայի վիրուսն էլ մեզ մոտ անվճար չի ստուգվում, չնայած դրանից արգանդի վզիկի քաղցկեղ է առաջանում:

- Իսկ հիմնադրամը միայն կանանց վերարտադրողական ֆունկցիայի օրգանների քաղցկեղո՞վ է զբաղվելու:

- Շեշետը դրվելու է ոչ միայն քաղցկեղի այլ նաև կանանց վերաբերող այլ հիվանդությունների և խնդիրների վրա: Մենք կընդլայնվենք, եթե մեր պետությունը, մեր ժողովուրդն ու հասարակությունը աջակցեն մեզ:

- Ի՞նչ միջոցառումներ եք նախատեսել մոտ ժամանակները:

- Սամվել Բաղդասարյանը՝ Գեղագիտության ազգային կենտրոնի կերպարվեստի և դեկորատիվ կիրառական արվեստի ստուդիա-քոլեջի տնօրենը, աջակցում է մեզ, իր փոքրիկ սաների հետ միասին, ովքեր իրենց օգնությունն ու աջակցությունը առաջարկեցին` պատրաստելով աշխատանքներ «մայրիկ» խորագրով: Մայիսի 3-ին Գեղագիտության ազգային կենտրոնի կերպարվեստի և դեկորատիվ կիրառական արվեստի դահլիճը, որը գտնվում է Աբովյան փողոցի վրա, ընդ որում դահլիճը նույնպես մեզ անվճար են տրամադրել, կկայանա մանկական ցուցահանդես-վաճառք, որին մենք կհրավիրենք բոլոր այն մարդկանց, ովքեր ինչ-որ չափով կարող են օգնել մեզ, մեր հիմնադրամին` մեր առաքելությունը իրագորքելու դժվարին ճանապարհին: Շատ կուզենայի, որ մեզ չմերժեն, այլ աջակցեն: Ցուցահանդես-վաճառքից ստացած ողջ հասույթը կպոխանցվի հիմնադրամին:

Մոտ օրերս նաեւ ՆՓԱԿ-ում անց կկացվի ցուցահանդես-վաճառք, ուր կներկայացվեն հայ առվեստագետների աշխատանքները, ովքեր իրենց լուման են ցանկացել ունենան մեր համԹնդհանուր գորցի մեջ: Ցուցահանդես-վաճառքից ստացած ողջ հասույթը կպոխանցվի հիմնադրամին: Ով կարող է ցանկություն կունենա ձեռք բերել աշխատանքներից որևէ մեկը, համեցեք՝ շատ մատչելի գներ են լինելու:

Այս ամենը կեզրափակվի Ռոք համերգով, որտեղ մասնակից կլինեն ավելի քան 8 ռոք խմբեր, իրենց` այդ միջոցառման համար հատուկ ընտրված ծրագրով: Համերգե տեղի կունենա մայիսի 13-ին, ուրբաթ 13-ին, «Ավանգարդ» ակումբում: Համերգի վերջում լինելուե հնչելու է ակումբային երաժշտություն` Երեանի լավագույն DJ-ների մասնակցությաբմ: Այս ամենը նույնպես արվում է բարեգործական հիմունքներով, թե ռոք խմբերը, թե DJ-ները մասնակցելու են առանց վարձատրվելու, շնորհակալություն…………… Տեխնիկան, լուսային սարքավորումներն ու ակումբը տրամադրվել են անվճար, ինչի համար առանձնահատուկ շնորհակալություն…………………, ինֆորմացիոն աջակցությունը……………..կողմից, խմիչքը……………..

Հրավիրում ու սպասում ենք բոլորին: Մի եղեք անտարբեր, մի անցեք փաք աչքերով այն ամենի կողքով, ինչը ձեր կողքին է:

Լուսինե Վայաչյան

What we have done so far Ինչ ենք արել մինչ օրս

It all began on facebook ( http://www.facebook.com/home.php?sk=group_180230205353240&notif_t=group_r2j ) with the creation of the Մայրիկ/Mother/Мама group.

Ամեն ինչ սկսվեց Facebook-ից, երբ որ ստեղծվեց  Մայրիկ/Mother/Мама խումբը:

In the beginning of March, the most active members of the group met to discuss ideas for fundraising.

Մարտի սկզբում խմբի ամենա ակտիվ անդամները հանդիպեցին, որպիսի քննարկեն տարբեր գաղափարներ ու մտքեր դրամահավաք իրականացնելու համար:

The first event was a classical concert at the Composer's House. Here is a photo of the musicians behind the scenes:

                                        

The second was a rock/blues concert at Tartugha Club:

A few more such concerts took place. And art exhibits. And street actions where we collected signatures for a petition urging the Armenian government to overlook its drug assistance programs for people who are in need of treatment and cannot afford to pay for it. 

Համերգներ, ցուցահանդեսներ և ստորագրահավաքներ տեղի ունեցան որտեղ մենք խոսեցինք մարդկանց հետ ովքեր համաձայն էին մեզ հետ պետության առաջադրվելիք օրինագծի հետ` "Ըդդեմ պետպատվերով տրամադրվող քաղցկեղի "անվճար" բուժման: Պետպատվերով տրամադրվող դեղօրայքի ցանկը վերանայման կարիք ունի":

We also wrote and are continuing to write numerous letters to students, activists, company CEO's, NGO's, artists, doctors, famous singers, even Charles Aznavour and Elton John.

Մենք գրել ենք ու շարունակում ենք գրել բազմաթիվ նամակներ ուսանողներին, ակտիվիստներին, հասարակական կազմակերպություններին, բժիշկներին, տարբեր ընկերությունների գործադիր տնօրեններին, հայտնի երգիչներին, նաև Շառլ Ազնավուրին և Էլթոն Ջոհնին:

Among us are journalists who have written articles around the issue of breast cancer in Armenia and this particular case of one woman in need.

Մեր մեջ կան լրագրողներ ովքեր նյութեր են գրել կրցքագեղձի քաղցգեղի խնդիրի շուրջ և այս կոնկրետ կնոջ մասին ում անհրաժեշտ է անմիջական օգնություն:



http://www.armtown.com/news/am/lra/20110314/45185

http://www.womenofarmenia.org/en/home/121-lend-a-hand-save-syus-mom


We have appeared on TV to talk about women's issues and to cast light on the particular issue of breast cancer among women in Armenia.

Մենք մասնակցել ենք հեռուստատեսության մի ծրագրում որտեղ խոսել ենք Հայաստանի կանանց խնդիրների մասին կրծկագեղձի քաղցգեղի շուրջ:




So far, we have raised approximately 3000 dollars. We want to thank all of the individuals and organizations that made donations to the "Mayrik" fund:

Jean M. Mahserjian
Anna Abramyan-Bagramyan
Chake Berberian and friends
Kharadyan

Khechoyan

Time to Unite West and East For Educational group

Aide Sociale en France

Մինչ օչս, մենք հավաքել ենք 3000 դոլլար: Ցանկանում ենք շնորհակալություն հայտնել բոլոր այն անհատներին և կազմակերպություններին որոնք մեզ աջակցել են և փող փոխանցել "Մայրիկ" ֆենդին:

Նամակ Լուսինե Վայաչյանից

Կնոջ մոտ, ում մասին պատմում եմ, մեկ ամիս առաջ ախտորոշել են կրծքագեղձի քաղցկեղ: Անհապաղ վիրահատությամբ հեռացրել են նրա մի կուրծքը, այնուհետև նշանակվել են քիմիոթերապիա և բուժում Լա Ռոշ ֆիրմայի «Հերցեպտին» դեղորայքով, որի մեկ սրվակն արժե 3000 դոլար, իսկ անհրաժեշտ է 18 սրվակ` 54000 դոլար ընդհանուր գումարի դիմաց:

Պետությունը հոգում է քիմիային օժանդակող դեղամիջոցների ծախսերը, որոնք այնքան էլ շատ չեն, իսկ «Հերցեպտին»-ը պետք է ձեռք բերի հիվանդը: Իսկ հիվանդը փող չունի. այդ կինը, որն ամբողջ քաղաքում հայտնի կոսմետոլոգ է, երկար տարիներ զբաղվել է ուրիշներին բժշկելով, հիմա բոլորիս օգնության կարիքն ունի:

Լավագույն մարդկային որակները բացահայտվում ու զարգանում են անշահախնդիր բարեգործություն անելիս, մարդն սկսում է ինքն իրեն տեսնել լավը, սիրել իրեն, հետևաբար՝ նաև ուրիշներին:

Նրա աղջիկը` Սյուն, պատմում է մոր մասին. «Ասում են, որ ես ծնվելուց շատ թույլ երեխա եմ եղել: Եվ ինձ հատուկ բուժում ու խնամք էր անհրաժեշտ: Ու միայն շնորհիվ իմ ծնողների, հատկապես` մորս խնամքի, կարող եմ հպարտանալ նրանով, թե ով եմ ես: Երբեք չէի մտածի, որ կյանքը կփոխի մեր «դերերը»....

«Իմ մաման ֆիտոթերապևտ ա» ... Երևակայիր, դա իմ հնչեցրած առաջին նախադասությունն էր: Մեր տունը միշտ լեփ-լեցուն էր մարդկանցով, ուր քննարկվում էին զանազան առողջապահական նորություններ, և թե ինչ է հարկավոր այստեղ, և կոնկրետ` Հայաստանում որոշակի դեղերի ու դեղամիջոցների օգտագործելու անհրաժեշտությունը… Նա հիմա էլ է նոր մեթոդներ ու տեխնոլոգիաներ ուսումնասիրում, խորհրդատվություն է անցկացնում Երևանում կոսմետոլոգիայի բնագավառում ներգրավված շատ եվրոպական ընկերությունների հետ: 

«Բնական գեղեցկությունը տրվում է մեզ բնությունից, բայց մենք պետք է դա պահպանենք». սա այն է, ինչը նա փորձում է փոխանցել մարդկանց և օգնում նրանց` հոգ տանել իրենց արդեն 26 տարի…
Որքան հիշում եմ ինձ, մեր բազմանդամ ընտանիքում միշտ տիրել է հարգանքի ու սիրո մթնոլորտ: Ծնողներս աջակցել են ինձ ու քրոջս մեր ընտրությունների հարցում, ավագ քույրս գնաց մորս հետքերով ու ընտրեց բժշկությունը, իր երեխաներին դաստիարակում է նրա ոգով: Երեի թե ես էլ նրա հետքերով եմ գնացել, քանի որ ընտրել եմ սպորտը. չէ՚՞ որ մայրս միշտ պայքարել է առողջ ապրելակերպի համար: Ես դարձա մարզիկ: Մարզիկներին սովորեցնում են պայքարելով հասնել հաղթանակի…

Հիմա ես պայքարում եմ մորս կյանքի համար...
Նա միշտ օգնել է մարդկանց, մասնակցել է անօթևան կենդանիների պաշտպանությանը նվիրված տարբեր ծրագրերի ու ակցիաների, նրա շնորհիվ ու մասնակցությամբ քաղաքում բացվել են նորագույն գեղեցկության սրահներ, հրավիրվել են փորձագետներ արտասահմանից` կոսմետոլոգիայի աշխարհում նորարարությունների մասին դասախոսություններ ու կոնֆերանսներ անցկացնելու համար:

Ու չնայած այսպիսի ակտիվ հասարակական գործունեությանը, առաջին հերթին նա սիրելի կին է, տան օջախի կրակը վառ պահող տանտիկին, հրաշալի տատիկ ու ողջ հոգով պաշտած մայր: Եվ ես ուզում եմ միայն, որ նա կրկին առողջ լինի, նորից ուրախացնի բոլորիս իր վարակիչ ժպիտով»:

Երբ իմացանք Սյուի մոր մասին, մենք՝ նրա ընկերները, Ֆեյսբուքում խումբ բացեցինք ու սկսեցինք տեղեկացնել մարդկանց. արձագանքեցին շատերը, նախկինում անծանոթ մարդիկ միավորվեցին Սյուի մոր փրկության համար: Կիրառվում են բոլոր հնարավոր ու անհնար մեթոդները` ընդհուպ մինչև փողոցային դրամահավաքները, կազմակերպվում են ցուցահանդեսներ, դասական և ռոք/բլյուզ համերգներ, նաև Կանանց ռեսուրսային կենտրոնի աջակցությամբ ստեղծել ենք «Մայրիկ» հիմնադրամ: Մեր նպատակը միայն Սյուի մոր կյանքը փրկելը չէ, մենք ուզում ենք բարձրաձայնել քաղցկեղով հիվանդներին տրամադրվող «անվճար քիմիոթերապիայի» անհեթեթության մասին, ուզում ենք այլընտրանք ունենան այն մարդիկ, ում բարեգործության համար ամեն տարի դեմ են տալիս Համահայկական հիմնադրամի հեռոստամարաթոններն ու տելեթոնները, այնինչ համոզված ենք, որ շատերը կցանկանային օգնել` փրկելու մարդկանց կյանքերը, այլ ոչ թե նպաստել գլոբալ ազգային բարելավման ծրագրերին, որոնք, իհարկե, անհրաժեշտ են, բայց ոչ այնքան հրատապ, որքան մեկ մարդու կյանքի փրկությունն է, և որ «Փող չունես՝ մեռիր» զավեշտը վերանա մեր բառապաշարից…

Դիմում եմ ձեզ, իմ աղքատ ու հարուստ հայրենակիցներ և նաև օտարերկրացիներ, դիմում եմ նրանց, ովքեր միշտ բարեգործություն են արել ու երբեք չեն արել` մտածելով, որ այս թասը վազն կանցնի իրենց մոտով, որ ինչի՞ անեն, եթե իրենց չեն արել ու չեն անի….

Բայց հայտնի է. «Ձախ ձեռքը չպիտի իմանա, թե աջն ինչ է անում»: Լավություն արեք ու ջուրը գցեք. եթե վատ եք ապրում, չեք կարող օգնել, պատմեք ձեր հարևաններին, ընկերներին, եթե մի քիչ հնար ունեք` մի 200 դրամի, հազար դրամի, նվիրաբերեք այդ գումարը, եթե ունեք ավելին՝ մի հապաղեք փրկել ՄԵԿ ՄԱՐԴՈՒ ԿՅԱՆՔԸ: Մենք կարող ենք դա անել, եթե միասնական լինենք: Եկեք հեղափոխենք ինքներս մեզ, եկեք հաղթենք կրծքագեղձի քաղցկեղին գոնե այն դեպքում, երբ 95 տոկոս ապաքինում կարող է լինել այդ դեղորայքի ընդունումից հետո… 

Եկեք փրկենք Սյուի մամային, հետո էլի մամաների. եթե պետությունը չի անում, քանի որ աղքատ է, չունի, եկեք մենք անենք, մենք դնենք նոր պետականության փոխօգնության առողջ համակարգի սկիզբը:
Ստորև ներկայացնում ենք հաշվեհամարները: Շնորհակալ ենք նվիրաբերած յուրաքանչյուր դրամի համար: 

Մեր Հաշվեհամարները/Our account numbers

Դրամի փոխանցման համար

Զարգացման Հայկական Բանկ

"Կանանց Ռեսուրսային Կենտրոն ,Մայրիկ ֆոնդ"

դրամային հաշվեհամար:  1810052017003313

For Transfers in US dollars (Mayrik Fund)

Intermediary Bank : CITIBANK,N.A

NEW YORK,USA

SWIFT: CITIUS33

Beneficiary`s bank: ACCOUNT 36017277

ARMENIAN DEVELOPMENT BANK

YEREVAN,ARMENIA

SWIFT:ARDEAM22

BENEFICIARY: WOMEN`S RESOURCE CENTER    NGO (Mayrik Fund)

Acc.No 1810001017073313

  

FOR TRANSFERS IN EUR (Mayrik Fund)

INTERMEDIARY BANK :  CITIBANK AG 

FRANKFURT , GERMANY 

SWIFT: CITIDEFF

BENEFICIARY`S BANK :  ACCOUNT DE 17502109004116830006

ARMENIAN DEVELOPMENT BANK

YEREVAN , ARMENIA

SWIFT : ARDEAM22

BENEFICIARY:   WOMEN`S RESOURCE CENTRE NGO (Mayrik Fund)

Acc No   1810050017043313

BANK: Crédit Agricole d'Ile-de-France

RIB for transfers in France

Banque Code guichet Numéro de Compte Clé

18206 00073 60200508697 23

Domiciliation : ARPAJON

IBAN (International Bank Account Number)

FR76 1820 6000 7360 2005 0869 723

BIC (SWIFT) : AGRIFRPP882

 

ACCOUNT OWNER SEPETCHYAN SUSANNA

3 ALLEE DE LA NOISERAIE